Uit die oog en hart van die nasionale keurders en 29 jaar oud. In Dan du Plessis se skoene sou baie spelers hul agente opdrag gegee het om ’n oorsese werkgewer te soek, maar dit was eerder vir hom ’n “maklike” besluit om by die Stormers te bly.
Die Kaapse franchise het Donderdag aangekondig dat Du Plessis tot “minstens 2026” sy rugby in die Kaap sal speel.
“Ek speel sedert 2016 al vir die Stormers. Die span beteken vir my baie en ek is positief dat daar selfs beter tye om die draai is,” sê dié uitsonderlike senter.