.
.
Die grusame moord op ’n bejaarde egpaar, wie se lyke waarskynlik reeds Vrydagmiddag in putte op hul plaas buite Bloemfontein gegooi is, word wyd veroordeel.
Ingeligtes na aan die ondersoek sê die polisie werk onverpoos om die moordenaars op te spoor en verdagtes is reeds Sondag vir ondervraging aangehou.
Die lyke van Christo Morrison (76) en sy vrou, Christa (73), van die plaas Rietfontein by Glen, sowat 25 km van Bloemfontein, is Saterdagnag op die plaas ontdek nadat ’n buurman van Vrydagmiddag af nie die egpaar op hul selfone in die hande kon kry nie en toe die polisie Saterdagmiddag gevra het om ondersoek te gaan instel.
