Netwerk24 kan onthul dat ’n ministeriële raadgewer die besturende direkteur is van ’n maatskappy wat ’n tender van R44 miljoen by die beleërde Nasionale Finansiële Hulpskema vir Studente (NSFAS) losgeslaan het.
Sowel die staatsliggaam as die adviseur ontwyk nou Netwerk24 se vrae oor of die besturende direkteur van die maatskappy se rol as ’n raadgewer van Nzimande tydens die bie-proses verklaar is.
Volgens die NSFAS-webtuiste waarop tender-toekennings aangekondig word, het die onderneming Vision Wave aan die einde van 2022 hierdie vyfjaarkontrak losgeslaan. NSFAS val onder Nzimande se portefeulje as minister van hoër onderwys, wetenskap en innovasie.