.
.
Rafael Nadal sê nou hy is nie meer seker of hy volgende maand in die Franse Ope gaan meeding nie nadat hy sedert sy terugkeer deurlopend met pyn speel.
Dit kom nadat hy vroeër vandeesmaand nog gesê het dat hy hom juis nie vir die Barcelona-Ope gespaar het nie omdat hy op Roland Garros “alles wil gee en sterf”.
Ondanks sy beste bedoelinge en drome sê die 37-jarige wenner van 22 Grand Slam-titels hy is ongelukkig nog ver van sy beste af. Hy speel slegs Donderdag in die eerste ronde van die Madrid-Ope teen die Amerikaner Darwin Blanch as ’n persoonlike opoffering.
