Kenners en politici is dit eens Bheki Cele, minister van polisie, moet pa staan vir die miljoene saakdossiere wat in die laaste vyf jaar weens onvoldoende bewyse gesluit is.
Hy is egter nie die enigste een wat verantwoordelikheid moet neem nie. Die hele topbestuur van die polisie is skuldig, meen hulle.
In die afgelope vyf jaar het die polisie 5,4 miljoen dossiere gesluit weens onvoldoende bewyse.