.
.
Die parlement moet nie swig voor terugvegpogings van “konserwatiewe groepe” oor klousules oor openbare skole se taal- en toelatingsbeleide in die Wysigingswetsontwerp op Basiese Onderwyswette (Bela) nie.
So meen die burgerregte- en regsorganisasies Section27, Equal Education, die Equal Education-regsentrum en die Sentrum vir Regshulpbronne.
Hulle het Vrydag hul kommer daaroor uitgespreek en in ’n gesamentlike verklaring ’n beroep op die parlement gedoen om die jongste “regressiewe” wysigings – wat skoolbeheerliggame nog ’n mate van beheer gee oor bogenoemde beleide vir hul skole – dringend om te keer en te vervang deur die oorspronklike weergawe wat provinsiale onderwyshoofde volmag daaroor gee.
