.
.
Die jong Italiaanse tennisster Jannik Sinner stem nie saam met diegene wat meen dat hy tans die wêreld se beste speler is nie.
Die 22-jarige Sinner, tweede op die wêreldranglys, sê hy kan nog nie in dieselfde asem as die wêreldnommereen, die Serwiër Novak Djokovic, en die Spanjaard Carlos Alcaraz (derde op die ranglys) genoem word nie.
“Ek dink dit is ’n moeilike vraag om te beantwoord,” het Sinner Dinsdag aan verslaggewers in Madrid gesê toe hy gevra is of hy tans as die beste speler beskou moet word.
