Ses regters van die konstitusionele hof moet hulself van oudpres. Jacob Zuma se regstryd teen die Verkiesingskommissie (OVK) onttrek omdat hulle moontlik bevooroordeeld is nadat hulle hom 15 maande tronkstraf sonder die opsie van ’n boete in 2021 opgelê het, lui ’n aansoek wat Zuma by dié hof ingedien het.
’n Duidelike konflik van belange bestaan ook, lui sy aansoek.
Zuma het Vrydag ’n teenaansoek by die konstitusionele hof ingedien ingevolge art. 167 (2) van die Grondwet, wat bepaal dat ’n kworum in die hoogste hof in die land uit minstens agt regters moet bestaan.