’n Bose kringloop van krisis op krisis is besig om ’n sleutelbedryf se vermoë om vas te byt tot beter tye te kniehalter en sal dalk lei tot sy eie toekomstige krisis.
ArcelorMittal Suid-Afrika (Amsa) se staalaanlegte is vir ’n rede nasionale sleutelpunte: ’n Streek sonder sy eie staalvervaardiging kan nie genoeg staal invoer om ekonomiese groei te handhaaf nie.
Sonder genoegsame ekonomiese groei kan lande se staalvervaardigers nie lank oorleef nie. Dit is die grondslag van die probleme wat Amsa oor die jare al hoe meer begin verlam het.