Die Saoedi-Arabiese Sokkervereniging (Saff) gaan sy gedragskode vir toeskouers hersien nadat ’n aanhanger ’n Al-Ittihad-speler met ’n sweep geslaan het.
ESPN berig die voorval het aan die einde van Al-Ittihad se nederlaag in die Saoediese Superbeker teen Al-Hilal in Abu Dhabi gebeur.
Beeldmateriaal wys hoe die Al-Ittihad-doelskieter Abderrazak Hamdallah ’n toeskouer met water natgooi, wat die speler dan twee keer met ’n sweep bykom.