Sewe Suid-Afrikaners is Sondagmiddag in ’n motorongeluk in Botswana dood, het die plaaslike polisie in ’n verklaring bekend gemaak.
Die sewe oorledenes was deel van ’n groep van 14 Suid-Afrikaners wat in ’n Toyota Hiace-minibus op pad terug was van ’n kerkdiens in die dorp Kanye, sowat 80 km suidwes van die hoofstad, Gaborone.
Dipheko Motube, polisiewoordvoerder, sê in die verklaring wat Maandag uitgereik is die ongeluk het op die A3- nasionale pad by die Ranaka-aansluiting gebeur toe die minibus teen ’n Range Rover met vier insittendes gebots het.