.
.
Manchester City gedy onder die druk van speel wanneer alles op die spel is, het dié span se afrigter, Pep Guardiola, aan die vooraand van ’n groot week vir sy klub gesê.
Dié Engelse span is nog op koers om verlede seisoen se prestasie van drie titels (Premierliga, Europese Kampioeneliga en FA Cup) te herhaal.
City is ná die naweek se Premierliga-wedstryde, waarin Liverpool en Arsenal albei vasgeval het, met twee punte voor in die liga-wedloop (73 punte teenoor Liverpool en Arsenal se 71). Daarbenewens pak hulle Real Madrid Woensdag tuis in die tweede been van hul kwarteindronde-kragmeting in die Europese Kampioeneliga. Die eerste been in Madrid het met 3-3 gelykop geëindig. Dan kom hulle drie dae later boonop teen Chelsea in die halfeindronde van die FA Cup-reeks te staan.
