Adv. Lennit Max het as ’n adjunkvoorsitter van die VF Plus bedank omdat dié party se grondwet volgens hom net op die bevordering van Afrikanerbelange fokus en ander rasgroepe uitsluit.
Max, wat ’n adjunkvoorsitter van die party in die Wes-Kaap was, het Dinsdag op ’n mediakonferensie by sy huis in Welgelegen, Kaapstad, gesê toe hy in 2021 genader is om hom by die VF Plus aan te sluit, “is hy om die bos gelei” met beloftes dat die grondwet gewysig sou word om dit meer inklusief te maak.
Ná meer as twee jaar is daar volgens hom egter geen steun vir voorstelle om die grondwet te wysig nie.