Die hulpafrigter Tyler Bleyendaal is die nuutste lid van die Hurricanes-franchise wat hom by die Ierse klub Leinster gaan aansluit.
Die Irish Times berig minder as 24 uur nadat die All Black-senter Jordie Barrett aangekondig het dat hy in die 2024-’25-seisoen vir Leinster gaan speel, is bevestig dat Bleyendaal ook ná die Super Rugby Pacific-seisoen na Ierland sal verkas.
Bleyendaal, ’n voormalige Crusaders-losskakel wat later ook vir die Ierse klub Munster uitgedraf het, is sedert 2020 ’n lid van die Hurricanes-afrigtingspan.