Londen sal hulde bring aan ontslape Kiptum

Die organiseerders van die Londen-marathon sal Sondag voor die elite-manswedloop hulde bring aan Kelvin Kiptum met applous van 30 sekondes.

Kiptum se dood op 24-jarige ouderdom in Februarie in ’n laataand motorongeluk in Eldoret in die Rift-vallei in die weste van Kenia, het die atletiekwêreld geskok.

Hy het verlede jaar die Londen-marathon gewen en ’n paar maande later in Chicago die eerste mansatleet geword om die 42,2 km in minder as twee uur en een minuut af te lê.