.
.
Die gemeenskap van Ceres sal nou besonders breëbors loop nadat die geskiedenisboeke Saterdag in Pietermaritzburg op die Suid-Afrikaanse Atletiekkampioenskap herskryf is toe Adrian Wildschutt ’n sege in die 5 000 m behaal het.
Nadat hy in dié wedloop eerste oor die eindstreep is, het hy en sy ouer broer, Nadeel, die eerste broers in die geskiedenis van Suid-Afrikaanse atletiek geword wat op dieselfde nasionale byeenkoms as kampioene gekroon is.
Adrian (25), wat in die VSA gesetel is, het in 13 minute, 30.38 sekondes met die louere weggestap, terwyl die 27-jarige Nadeel Donderdag die 10 000 m in 29:15.93 beklink het.
