En Handré Pollard se opvolger is . . . Sacha Feinberg-Mngomezulu.
Of so glo die voormalige Springbok-slot Victor Matfield, wat Dinsdag ’n pleidooi aan die Stormers gerig het om die 22-jarige Feinberg-Mngomezulu meer speelkans op losskakel te gee.
“Ek is ’n groot aanhanger van Sacha. Ek dink hy is die volgende Springbok-losskakel. Ek sal graag wil sien dat die Stormers hom ’n bietjie meer kans op losskakel gee, nie net op binnesenter nie,” het Matfield gesê in ’n gesprek wat deur die Verenigde Rugbykampioenskap in samewerking met Vodacom gereël is.