Dodetal styg tot 24 nadat stuk snelweg in China ineenstort

Die dodetal het tot 24 gestyg nadat ’n deel van ’n snelweg in die suidelike provinsie Guangdong, China, Woensdag ineengestort het.

Guangdong, ’n digbevolkte provinsie met baie nywerhede, het die afgelope weke swaar reënbuie beleef, wat erge oorstromings en grondverskuiwings in sommige gebiede veroorsaak het.

’n Stuk pad tussen Meizhou-stad en die Dabu-distrik het omstreeks 02:00 plaaslike tyd (Dinsdag om 20:00 in Suid-Afrika) ineengestort.