.
.
Hoewel die Leeus die afgelope naweek daarin geslaag het om een Ierse span te tem, sal dit ’n heel ander uitdaging wees om dit weer die naweek op Ellispark te vermag.
Die Johannesburgers sal heelwat selfvertroue put uit hul sege van 44-12 oor Leinster in die Verenigde Rugbykampioenskap, maar die Leeus-spelers is dit almal eens – Munster hou Saterdag ’n ander uitdaging in as sy Ierse aartsvyand.
Sanele Nohamba, wat dié seisoen op los- en skrumskakel behoorlik vlamgevat het, sê hy verwag dat die besoekers van Limerick meer fisiek sal wees as die verswakte Leinster-span.
