.
.
’n Driekuns aan drieë deur die vleuel James Lowe het die Ierse span Leinster Saterdag gehelp om vir ’n derde keer agtereenvolgens die eindstryd van die Europese Kampioenebeker-reeks te haal.
Leinster het die Northampton Saints in die halfeindronde met 20-17 getroef voor ’n rekordskare van 82 300 mense op Croke Park in Dublin.
Leinster, die naaswenner die vorige twee jaar ná La Rochelle, sal te staan kom teen die wenner van Sondag se tweede halfeindstryd in Frankryk tussen Toulouse en Harlequins.
