Praat van ontsnap uit die tronk!
Die Haaie gaan Suid-Afrika trots verteenwoordig in die eindstryd van die Uitdaagbeker op 24 Mei in die Tottenham Hotspur-stadion in Londen.
John Plumtree, die afrigter, se span het deurgedring na die eindstryd deur vir Clermont Auvergne Saterdag met 32-31 te verslaan in die halfeindstryd in die Twickenham Stoop-stadion. Die Haaie het derhalwe die eerste Suid-Afrikaanse span geword om deur te dring na ’n eindstryd in een van die Europese rugbyligas.