.
.
Airbnb het met Franse owerhede ooreengekom om individue die stryd aan te sê wat huureenhede op dié platform vir sekswerk tydens die komende Olimpiese Spele en daarna wil gebruik.
Die huisverhuringsplatform het ’n ooreenkoms met Miprof, ’n regeringsorganisasie wat hom vir die beskerming van vroue teen geweld en die bestryding van mensehandel beywer, onderteken.
“Hoewel sulke voorvalle seldsaam is in vergelyking met die aantal besprekings, verbind Airbnb hom deur hierdie samewerkingsooreenkoms om op lang termyn die bedryf en owerhede se pogings om uitbuiting en mensehandel hok te slaan te ondersteun,” sê Airbnb in ’n verklaring.
