.
.
’n Drie in bykomende speeltyd deur die Australiër Nick Malouf het Saterdag die Blitsbokke se doppie geklink in die kwarteindronde van die Singapoer-sewestoernooi.
Australië het die intense wedstryd met 29-24 gewen. Met normale speeltyd verby was die telling 24-24 – daarom was daar ekstra speeltyd.
Net voordat Malouf gaan druk het, is die Blitsbok Shilton van Wyk met ’n geel kaart afgestuur vir ’n ontoelaatbare duikslag.
