Met Lettie (Stephanie Baartman) en Henry (Stiaan Bruwer) se bruilof, wat op 20 Maart uitgesaai is, het alles volgens plan vir hierdie twee Diepe waters-verliefdes verloop.
Volgens die vervaardigers, Penguin Films, is die beplanning vir die troue reeds lank voor die verfilming gedoen. Die tonele is in die voortuin van die huis wat vir Gys gebruik word, verfilm.
Die opstel van die tent, al die dekor en blommerangskikkings, die opnames van die tonele en die afbreek en wegpak van alles daarna, het binne slegs twaalf ure gebeur.