.
.
Die groot dag was op die 27ste April vanjaar – ’n dag voor Vanessa se verjaarsdag. “Dit was die mooiste dag en so spesiaal. Ons het sommer ’n groot naweekfees gehou” vertel Vanessa opgewonde.
Die twee het ewige trou aan mekaar beloof by die pragtige Louvain gasteplaas naby Herold in die Bo Langkloof voor 100 van hul hartsmense. Die geleentheid was formeel en klassiek, met baie blomme. “Veral proteas. Dit is my gunsteling-blom,” verduidelik Vanessa.
Haar dierbare vriendin, Karin Tomlinson van Funky Flowers het gesorg dat die dekor en blomme presies was soos die paartjie dit wou dra.
