.
.
Tshepo se pa en sy ma is oorlede en hy is grootgemaak deur Henry, maar hy het besluit om sy oom, tannie en neef te besoek. Vroeër vanjaar het Tshepo besluit hy wil weer kontak maak met sy familie. Mohavi, met wie Tshepo ’n hegte band begin bou het, het dringend ’n nier benodig.
Aanvanklik wou Tshepo sy nier vir Mohavi skenk, maar sy pa het intussen besluit om syne op te offer. Na afloop van die operasie het alles beter gelyk, maar in gisteraand se episode ontdek kykers Mohavi se liggaam het die nier verwerp en hy is oorlede.
Johnny Potsanyane, wat die rol van Tshepo vertolk, moes ook al hartseer in sy eie lewe verwerk. “Dis moeilik. Sodra ’n mens met mense te doen het wat moontlik kan sterf, waardeer jy die lewe soveel meer,” meen hy.
