Anika de Beer oor kanker-reis: ‘Die clichés oor tyd wat kosbaar is, het nuwe betekenis vir my gekry’

Anika, wat saam met haar man, Abri, en hul hond, Remi, op die Tuinroete woon, vertel dit gaan nou beter, maar hulle is deur ’n rowwe paar maande ná sy in 2021 onverwags met fase drie-melanoomkanker gediagnoseer.

“My hart was stukkend. Ek het nog soveel wense en planne vir die toekoms en ’n versameling drome en doelwitte wat ek wil nastreef, en skielik staan ek voor ’n afgrond wat ek nie sien kom het nie.”

Sy vertel eerlik sy het in 2019 – toe die eNCA/eNuus afgleggingproses van die weeraanbieders begin is – gedink dis ’n baie groot uitdaging vir ’n jong volwassene. “Min wetend dat ’n groter golf my twee jaar later sou tref. My reis met kanker was die uitdagendste fase van my lewe nog.”