.
.
Van Binnelanders tot Arendsvlei, ons sit vasgenael voor ons TV-skerms om te sien hoe die drama ontvou. Hier is wat hierdie week op kykNET en kykNET&kie se sepies vir jou voorlê – jy wil dit nie misloop nie:
Binnelanders
Maandag, 18 Maart
Karen probeer haar bes om ’n moedelose Gaby op te beur, Delia is bang sy het valse verwagtinge geskep, en Tertius ontvang ’n ontstellende brief.
Dinsdag, 19 Maart
Tertius is nie seker of hy oop kaarte met Conrad moet speel nie. Die standaarde by Tonik val daagliks, en Uys waarsku Liam oor sy nuwe verhouding.
Woensdag, 20 Maart
Thalia is ontsteld omdat Louis vir Naomi vermy. Conrad is oortuig Tertius en Tracy voer iets in die mou, en Steve sê iets wat Delia ontstel.
Donderdag, 21 Maart
Gaby probeer nader aan Rian kom, en Steve en Conrad besluit ’n sekere liefdeskontrak moet geteken word. Naomi bieg dat sy nie vir Louis wil verloor nie.
Vrydag, 22 Maart
Daar is ’n klopjag by die oorplantingseenheid, en Delia ontbied vir Dawid. Gaby raak desperaat en Rian kom op met ’n voorstel. ’n Aandete raak baie ongemaklik.
- Weeksdae om 19:30 op kykNET (DStv-kanaal 144)
Suidooster
Maandag, 18 Maart
Die spanning tussen tussen Zoë en Bridgette bou verder op. Wade sien gevaarligte flikker oor Ty, terwyl Mymoena en Sammy ’n intieme oomblik deel.
Dinsdag, 19 Maart
Bridgette worstel met ‘n groot besluit, wat verreikende gevolge vir haar kan hê. Mymoena voel skuldig oor haar oomblik met Sammy.
Woensdag, 20 Maart
Mymoena moet ’n baie groot besluit neem, en haar kinders het sterk gevoelens daaroor. Bridgette doen iets drasties, terwyl Ty en sy gesin ’n baie emosionele dag beleef.
Donderdag, 21 Maart
Lee-Ann soek antwoorde. Danni mis haar huis en ’n onverwagte besoeker daag by Bridgette se huis op.
Vrydag, 22 Maart
Ty verloor weer sy humeur, terwyl Mymoena ’n moeilike gesprek met haar kinders het. ‘n Hoofstuk in Ruiterbosch se geskiedenis word afgesluit.
- Weeksdae om 18:00 op kykNET en 18:30 op kykNET&kie (DStv-kanaal 145)
Diepe waters
Maandag, 18 Maart
Felicity word gekonfronteer met ‘n skokkende waarheid. Henry en Lettie geniet elkeen hulle aandjie uit voor die troue.
Dinsdag, 19 Maart
Mari maak dit duidelik dat sy wil nie hê Ben moet hom oorhaastig in enigiets begewe nie. Arno onthul aan Karla dat Felicity sy ma is.
Woensdag, 20 Maart
Henry en Lettie se groot dag breek aan. Mari is woedend vir Ben. Arno en Charity sukkel met hulle nuwe realiteite.
Donderdag, 21 Maart
Die spanning tussen Sanet en Mari lei tot skokkende gebeure. Anja besef sy moet haar afrigtingstem laat hoor.
- Maandae tot Donderdae om 18:30 op kykNET (DStv-kanaal 144)
Arendsvlei
Maandag, 18 Maart
Beatrice ontvang onverwagse hulp. Lennie deel die plan van aksie met Eva en Janice het gemengde gevoelens oor haar nuwe begin.
Dinsdag, 19 Maart
Emile en Lennie is op Tanner se spoor. Lee-Roy betrap vir Janice en Lionel in ’n ongemaklike situasie. Bompie en Rachel herontdek mekaar.
Woensdag, 20 Maart
Lennie en Emile trek vir Tanner vas. Nicolene se plaasvervanger kom by die skool aan, en maak die dames se bene lam. Adam laat nie vir Bompie toe om naby Canaan te kom nie.
Donderdag, 21 Maart
Rachel keer terug skool toe. Lee-Roy val nie vir Devon se sjarme nie. Bompie probeer om vir Adam deel van sy bende te maak.
- Maandae tot Donderdae om 19:30 op kykNET&kie (DStv-kanaal 145)
Vanjaar vier ons SARIE se 7 dekades met 7 kategorieë en 7 finaliste.
Is jý die eindelike wenner – SARIE Voorbladgesig 2024? Of die vyfde SARIE Nuwe Gesig? Dis ’n kans in ’n leeftyd. Sê ja!
Onthou, jy skryf in nét op sosiale media (Facebook of Instagram) hierdie jaar en inskrywings is slegs oop in Maart-maand.
Klik hier vir meer inligting.
In trotse samewerking met Isa Carstens Akademie, Netwerk24, Inoar South Africa en Ontbytsake.
