SARIE Nuwe Gesig 2024: Jy kan op TV verskyn!

Suanné Mulder

Dié opwindende prys is op die spel – waarvoor wag jy? Skryf in!

Ter viering van SARIE se 75ste bestaansjaar, gaan ons hierdie jaar groot.

As jy tussen 2006 en 2008 gebore is, met ander woorde jy is nou ’n hoërskoolleerder in Graad 10, 11 of 12, is die Nuwe Gesig-kategorie vir jóú.

Lindy Maree, wenner van die SarieNuwe Gesig 2022-kompetisie, is baie lief vir mode. Foto: Sarie Leane Clunies-Ross

Nóg ’n wenvoorblad is terselfdertyd onthul: Dié van ‘Sarie’ se Nuwe Gesig-wenner, Lindy Maree (17) van die Afrikaanse Hoër Meisieskool Pretoria. Foto: Verskaf

Wen met SARIE Nuwe Gesig!

Daar is heerlike pryse op die spel. Ons is opgewonde om ontbytSAKE ook aanboord te hê. Ons Nuwe Gesig-wenner sal op hierdie gewilde oggendprogram op kykNET en kykNET&kie (DStv-kanaal 144 & 145) verskyn.

Plus, jou betrokke hoërskool sal dan ook die geleentheid kry om op die televisie te verskyn. Die ekstra lugtyd is ’n wonderlike geleentheid om jou hoërskool te bemark.

Al wat jy moet doen is om noukeurig elke stap te volg wanneer jy inskryf. Moenie vergeet om ontbytSAKE in jou inskrywing op Facebook of Instagram te tag nie.

Dis maklik om in te skryf! Jy skryf op sosiale media of met die vorm hieronder inskryf en die inskrywings is slegs vir een maand oop (inskrywings sluit 31 Maart stiptelik om 23:59).