.
.
Terwyl jy jou foto’s regkry vir vanjaar se inskrywing, deel ons met jou ’n paar interessante feite oor SARIE en ons geliefde Voorbladgesig-wedstryd.
Vanjaar vier ons SARIE se 7 dekades met 7 kategorieë en 7 finaliste.
Is jý die eindelike wenner – SARIE Voorbladgesig 2024? Of die vyfde SARIE Nuwe Gesig? Dis ’n kans in ’n leeftyd. Sê ja!
Onthou, jy skryf in nét op sosiale media (Facebook of Instagram) of by die vorm hierbo hierdie jaar en inskrywings is slegs oop in Maart-maand.
Klik hier vir meer inligting.
In trotse samewerking met Isa Carstens Akademie, Netwerk24, Inoar South Africa en Ontbytsake.
Interessante feite
Carike Keuzenkamp op die 1990-Kersuitgawe verkoop 258 263 kopieë, die hoogste in SARIE se bestaan. Die meeste kere op die voorblad was Diana.
Dan Anna-Mart van der Merwe en Margaret Gardiner.
Model Bernice Dodd pryk op die Junie 2002-uitgawe van SARIE, die tydskrif se eerste glans-maanduitgawe.
’n Handvol mans was al op die voorblad.
Dikwels Nataniël, ook Ryk Neethling nadat hy deel was van die aflos-swemspan wat in 2004 goud vir SA by die Spele gewen het.
Teen die nuwe millennium was sepie-akteurs dié sterre.
Binnelanders se Nadia Valvekens (Pippa) en Nina Swart, Wilmien van 7de Laan, was talle kere op die voorblad.
Michelle Pienaar het haar Egoli-rol losgeslaan deur in 2001 ’n SARIE-wedstryd te wen.
Interessant
- 13 jaar: 15 voorbladgesigte (in twee jaar, 2016 en 2017, het twee wenners die titel gedeel); 4 nuwe gesigte
- 75 000+ inskrywings (een en half keer ’n volgepakte Loftus Versfeld)
- 50% van inskrywings word van brunette ontvang
- Oudste: ’n 75-jarige SARIE-leser
- Gewildste name: Angelique Bianca Monique Nadia. Ook name wat met ’n “C” begin: Chané Chandré Carlize Christelle Chantelle en vele meer
- Beroepe sluit in: aptekers, veeartse, boervroue, kunstenaars, dokters, sjefs, rekenmeesters, operasangeresse, dansers, welvaartbestuurders, studente, onderwyseresse, ingenieurs, musikante en tuisteskeppers
- Die plek wat verreweg die meeste inskrywings opgelewer het: Pretoria, 5 keer meer as Kaapstad in die tweede plek, dan Bloemfontein, Stellenbosch, die Paarl, George en Johannesburg.
- Een persent van inskrywings kom van Namibië.
