’n Prokureur van Bishopscourt in Kaapstad, met dekades se ondervinding, het vandeesweek skuld beken op ’n aanklag van strafbare manslag ná ’n ongeluk waarin ’n voormalige WP-rugbyspeler dood is.
Adriaan Martinus Slabber (65), oftewel Tinus Slabber, het Donderdag in die landdroshof in Wynberg verskyn.
Hy het ingevolge art. 112 van die Strafproseswet skuld beken nadat onderhandelinge oor ’n moontlike pleitooreenkoms platgeval het.