As die komende verkiesing uitgestel word, sal dit die belastingbetaler meer as R500 miljoen kos, het die Verkiesingskommissie (OVK) Woensdag in die konstitusionele hof aangevoer.
Dit kom nadat drie partye die OVK drie weke voor stemdag hof toe gesleep het.
Ace Magashule se ACT, asook die Labour Party van die mynwerkersvakbond Amcu en die Afrikan Alliance of Social Democrats (AASD), vra die hof dat die OVK se verkiesingsrooster tersyde gestel word. Anders as die Labour Party en die AASD vra die ACT nie dat die stemdag uitgestel word nie, maar wel vir ’n geleentheid om sy volledige kandidatelys in te dien.