.
.
Die ANC het vandeesweek sy topsewe in KwaZulu-Natal ontplooi om die party se verkiesingsveldtog daar ’n hupstoot te gee.
Met net meer as drie weke voor Suid-Afrikaners stembus toe gaan, het die party ook sy nasionale uitvoerende komitee, asook sy alliansievennote, die SAKP en Cosatu, ontplooi om die hoogs betwiste provinsie te deurkruis om kiesers te oortuig om hul kruisies langs die ANC te trek. KwaZulu-Natal het 5,7 miljoen geregistreerde kiesers; die tweede meeste in die land ná Gauteng se 6,5 miljoen.
Dr. Levy Ndou, ’n politieke ontleder verbonde aan die Tshwane-Universiteit vir Tegnologie, sê met die toetrede van oudpres. Jacob Zuma se uMkhonto weSizwe-party (MK) wil die ANC geen kanse in KwaZulu-Natal waag nie.
