Angie Motshekga, minister van basiese onderwys, en haar departement is glo onkant betrap deur AfriForum en Solidariteit se nuwe dispuut met die regering oor die Wysigingswetsontwerp op Basiese Onderwyswette (Bela).
Dit het Sondag aan die lig gekom dat AfriForum en Solidariteit adj.pres. Paul Mashatile in ’n brief ingelig het oor hul onttrekking aan gesprekke met die regering oor die verbetering van dienslewering totdat dié dispuut opgelos is.
Die wetsontwerp sal na verwagting vandeesmaand deur die Nasionale Raad van Provinsies oorweeg word.