.
.
Die diamantsmous Louis Liebenberg beweer die veiligheidshoof by sy myn, Hein Jooste, het “R50 miljoen se goud en diamante” van hom gesteel toe hy die naweek spoorloos verdwyn het.
Liebenberg skryf op sy Forever Diamonds and Gold-blad op Facebook Jooste het die geslypte diamante en goudmunte uit sy vrou, Dezzi, se huurhuis in Durbanville gesteel en Jacques du Preez in Britstown ontmoet voordat hulle saam verdwyn het.
Hy gaan vandag ’n klag van diefstal teen Jooste en Du Preez by die polisie indien nadat hy eers ’n volledige inventaris van die diamante, goud en juweliersware opgestel het.
