.
.
Sy administrasie sal voortgaan om swart ekonomiese bemagtiging (SEB) én ander regstellende wetgewing te implementeer om swart mense verder te bemagtig, sê pres. Cyril Ramaphosa.
Ramaphosa het in ’n podsending gesê daar is tot dusver nog nie genoeg vordering daarmee gemaak nie en ’n nuwe ANC-regering gaan ná 29 Mei se algemene verkiesing die inwerkingstelling daarvan versnel.
“Natuurlik moet jy weerstand verwag van diegene wat tans eienaarskap het. Sommige wil nie eens mededinging hê nie. Vir ons wat onder verdrukkende en rassistiese wette gely het en daardeur geteister is, maak dit egter die (ekonomiese) ruimte oop,” het hy Maandagaand in ’n uur lange onderhoud gesê toe hy die heel eerste gas op die ANC se nuwe #ANCConnect-podsendingreeks was.
