Novak Djokovic het Marco Panichi, sy langs dienende fiksheidsafrigter, vir sy jare lange diens bedank nadat die wenner van 24 Grand Slam-titels nog ’n verrassende skuif in sy ondersteuningspan gemaak het.
Die Serwiese wêreldnommereen het verlede week gesê hy oorweeg dit om sy loopbaan sonder ’n afrigter voort te sit nadat hy verlede maand sy vennootskap van vyf jaar met Goran Ivanisevic van Kroasië beëindig het. Hy het dié besluit geneem nadat hy vroeg by Indian Wells uitgeskakel is.
Die Italianer Panichi het hom in 2017 as fiksheidsafrigter by Djokovic se kamp aangesluit.