Dit is vir Laura Wolvaardt, kaptein van die Protea-vrouekrieketspan, “nogal lekker” dat sy nou met die meeste lopies deur ’n Suid-Afrikaanse vrouespeler in eendagkrieket agter haar naam spog.
Wolvaardt het Saterdag in Kimberley met ’n onoorwonne kolfbeurt van 110 lopies van 141 balle (6x4) Suid-Afrika gehelp om die tweede eendagwedstryd teen Sri Lanka met sewe paaltjies te wen.
Die telling in die reeks van drie is nou 1-0. Die eerste wedstryd is weens reën afgelas.