Een van die hoogs betwiste vraagstukke in die wetsontwerp oor die Nasionale Gesondheidsversekeringsfonds (NGV) is die wetsartikel wat bepaal dat mediese fondse slegs aanvullende dekking sal mag bied vir dienste wat die fonds nie gaan dek nie.
Dr. Thandi Mabeba, sedert 2020 voorsitter van die Raad op Mediese Skemas (RMS), het dit Donderdag op die jaarlikse konferensie van die bedryfsliggaam die Raad van Gesondheidsfinansiers (BHF) duidelik gemaak dat die RMS die wetsontwerp ondersteun.
Die bedryf se siening daaroor is die teenoorgestelde.