Gedurende die jaarlikse Wêreld- Ekonomiese Forum se beraad in Davos, Switserland, aan die begin van die jaar is kongresgangers gevra wat hulle beskou as die grootste makro-risiko’s oor die volgende twee jaar.
Een van daardie risiko’s was klimaatverandering. 2023 was reeds die warmste jaar wat tot dusver geboekstaaf is en tans beleef ons ’n baie warm begin van die winter. Dit raak dus nodig om te vra wat gewone mense en gewone beleggers kan doen om hulle teen klimaatverandering te beskerm.
Juis die afgelope week sê een van my groot boerderykliënte dat hulle hul planttyd moes aanpas omdat die weerpatrone aan die verander is en dat dit ’n uitwerking op die krag van hul bedrywighede het.