.
.
Indien Eskom se hofsaak teen Johannesburg oor agterstallige skuld nie slaag nie, is daar ’n groot kans dat die nutsmaatskappy die land se ekonomiese ruggraat van die kragnetwerk sal moet ontkoppel.
“Die situasie is nou onhoudbaar en dit is nodig dat die hof dringend ingryp, anders sal Eskom met geen ander opsie gelaat word as om sy magte uit te oefen om munisipaliteite se kragtoevoer af te sny nie,” luidens Eskom se eedsverklaring.
Eskom het Maandag aangekondig dat hy die hooggeregshof op ’n dringende grondslag genader het om nypende finansiële krisisse vir sowel hom as die staat te vermy.
