.
.
’n Boeing 767 BA.N-vragvliegtuig van FedEx-lugredery het Woensdag by die Istanbul-lughawe sonder sy voorste landingstuig geland.
Die vliegtuig, wat vanaf die Charles de Gaulle-lughawe in Parys gevlieg het, het die beheertoring in Istanbul ingelig dat sy landingstuig nie oopgemaak het nie. Die vliegtuig het met leiding van lugverkeerbeheerders geland en kon op die aanloopbaan bly, luidens ’n verklaring van die Turkse ministerie van vervoer, berig Reuters.
Die lughawe se reddings- en brandbestrydingspan is voor die landing as ’n voorsorgmaatreël ontbied, maar geen beserings is aangemeld nie.
