Die BMW-bestuurder wat na bewering die noodlottige ongeluk van ’n Pretoriase onderwyser en sy dogter veroorsaak het, het glo kort voor die botsing vir die polisie weggejaag.
Die BMW-bestuurder is beseer in die ongeluk vroeg Vrydagoggend op die hoek van Park-en Troyestraat in Sunnyside in Pretoria. Hy is onder polisiebewaking in ’n Pretoriase hospitaal.
Louwrense Badenhorst (53), adjunkhoof van die Laerskool Tuinrand in Claremont in Pretoria, en sy oudste dogter, Michelle (23), is dood toe die BMW teen hul silwergrys Peugeot 508 gebots het.