Ma oorsee toe sy hoor seun neem sy lewe in Maties-koshuis

Die ma van ’n tweedejaarstudent en inwoner van die Huis Marais-manskoshuis aan die Universiteit Stellenbosch (US) was in Nieu-Seeland toe sy die oproep kry dat haar seun sy eie lewe in die koshuis geneem het.

Caleb James Lamoure (22) was ’n onderwysstudent, lui ’n plasing op Givealittle, ’n fondsinsamelingsplatform. Die plasing is deur sy suster, Bianca Williams, gemaak.

Die US het Dinsdag bevestig die student is “op die US se Stellenbosch-kampus” dood.