Taryn Hess, wat al te sien was in Projek Dina en Afgrond, en ook binnekort ’n draai gaan maak in White lies en Summertide, en die rol van die bose Audrey vertolk, vertel dit gaan baie goed met haar op die oomblik.
“Ek is op soveel vlakke geseënd. As kind het ek met die SARIE-tydskrif grootgeword. Nie te lank gelede nie het ek na die SARIE Voorbladgesig-wedstryd gekyk en gewens ek kon inskryf en op die voorblad wees en hier doen ek ’n onderhoud!” glimlag sy.
“God werk werklik op geheimsinnige maniere. Ek is besig met my permanente werk as ma van drie. As ek nie op stel is of besig is met oudisies nie, gee ek klas.”