Na drie jaar van toewyding en passie, is Reisigers, Suid-Afrika se heel eerste vollengte potgooi film, nou beskikbaar vir intekening en luister op alle belangrike potgooi platforms.
Geïnspireer deur klassieke ‘coming-of-age’ flieks soos Stand By Me en The Breakfast Club, sowel as Suid-Afrika se eie Ballade vir 'n Enkeling, is Reisigers ’n hartroerende avontuur-drama geskryf in Afrikaans wat die temas van verlies, identiteit, en die reis na herontdekking verken.
Reisigers volg vier beste vriende, Jouba, Slabs, Mario, & Monty, terwyl hulle herenig op ’n transformerende reis na hul tuisdorp, en sodoende hul verlede en toekoms as jong mans konfronteer.