Om weer betrokke te raak by ’n eks, sê hulle, is soos om ’n boek oor en oor te lees – jy weet reeds wat aan die einde gaan gebeur.
Tog is dit ’n algemene verskynsel. Wanneer ’n verhouding eindig en jy nog hartseer en alleen voel, is dit so maklik om te wonder of jy dalk ’n fout gemaak het.
Dan begin jy dink aan al die goeie tye wat julle gehad het, aan hoe jou vorige geliefde jou aan die begin laat lag het, en kort voor lank is julle weer aan die gesels.