.
.
Plan B vertel in vyf aksiebelaaide episodes die verhaal van ’n man met ’n militêre agtergrond, Ivan Malan (Tim Theron), en sy vennoot, Paul Schmidt (Arnold Vosloo), wat ’n bendebaas beroof en die Vlammemeisie steel – ’n skildery deur die meesterskilder Vermeer wat €30 miljoen werd is.
Intussen word Ragel Bergh (Amalia Uys) uit haar erfporsie deur die glyjakkals Joshua Lansky (Armand Aucamp) geswendel. Alles lyk vir haar verlore tot ’n kunswaardeerder haar en Ivan en Schmidt se paaie laat kruis en al drie dieselfde ding wil hê: Die Vlammemeisie . . .
Amalia beskryf vir Ragel as ’n stil boekwurm wat op die spoor kom van ’n organisasie wat ‘vigilante’ werk doen. “Hulle werk is nie werklik wettig nie, maar die polisie stel soos altyd teleur. Ragel neem die gereg, saam met hierdie nuwe organisasie, in eie hande om wraak te neem.”
