Al weet die Madibaz hulle is nie die gunstelinge om die Ixias vandeesweek in ’n promosie-relegasie-wedstryd van die Varsitybeker-rugbyreeks te klop nie, glo die Oos-Kapenaars glorie is wel binne hul bereik.
So sê David Manuel, afrigter van die Madibaz, oor Vrydag se kragmeting by die Universiteit van Johannesburg wat om 12:00 afskop.
Dié twee spanne moet uitspeel omdat die Ixias voorlaaste op die Varsitybeker (die topliga) se puntelys geëindig het, en die Madibaz tweede op die puntelys in die Skildreeks (die tweede liga) klaargemaak het.