Die Met-gala val jaarliks op die eerste Maandag in Mei en is berug vir sy gastelys met die crème de la crème van die mode- en vermaakbedryf wat opdaag in skouspelagtige uitrustings en kostuums.
Die 2024 Met-gala is ter viering van die nuwe uitstalling by die Kostuuminstituut getiteld, “Sleeping Beauties: Reawakening Fashion” wat hand-aan-hand gaan met die jaar se kleredragkode. Elke uitrusting het ’n unieke storie vertel onder: “The Garden of Time”, wat geïnspireer is deur JG Ballard se kortverhaal met dieselfde naam.
En soos Miranda Priestly van The Devil Wears Prada sou sê, “Florals? For spring? Groundbreaking.” Tog het dit nie die sterre gestop om die tapyt te loop in hul tuin-geïnspireerde klere nie.